Ilaasortanngorit

Blå Kors Kalaallit Nunaat 300-it missaannik ilaasortaqarpoq, imigassartornaveersaarnermik tapersersoqatigiittartunik. Aamma imigassartortartut ilaqutaannik ikiuinnittarpugut.

Naamik, qujaannarpunga, Blå Korsimut ilaasortaavunga. Imigassamik neqeroorfigineqaraanni naaggaarluni qujaannarnissaq sapernarsinnaasarpoq.

Blå Korsimut ilaasortaalernerup kingorna naaggaarsinnaaneeq amerlasuunut ajornannginnerulersarpoq. Taava kalaallit amerlanersaasa nalussanngilaat imigassartortanngitsuusoq, neriorsuisimasorlu taamaasiortarumanani. Ilaasortat ilaat ilaasortanngortarput angerlarsimaffimminni angajoqqaatik imigassartortarsimanngitsuummata – allallu imigassamik ajornartorsiuteqarsimasuusarput, katsorsartereernerminni imigassartortaqqilerusunngitsut.

Ilaasortanngorusukkuit sumiiffimmi immikkoortortatta arlaat saaffigiinnarsinnaavat. Taava siulittaasoq oqaloqatigissavat, misiligummillu ilaasortanngorsinnaallutit. Misilitsiffiit naallugu imigassartunngikkuit Blå Korsip saqqarmiuaraanik tunineqassaatit, takuneqarsinnaalerluni ilaasortaasutit imigassartortanngitsuusutillu.

%d bloggers like this: