Blå Kors Kalaallit Nunaat aamma Blå Kors Danmark arlalippassuartigut assigiissuteqarput. Peqatigiiffiuvugut namminersortut, inunnik imigassamik ajornartorsiortunik ikiuisartut – kisiannili Kalaallit Nunaat aamma Danmark marluummata assigiinngitsunik kulturillit assigiinngitsunik ajornartorsiuteqarfiusut, assigiinngitsunik suleriaaseqarniarluta toqqarsimavarput.
Ilaasortat
Nunap inuttussianut naleqqiullugu Blå Kors Kalaallit Nunaat ilaasortarpassuaqarpoq – 600-it missaat imaluunniit nunap inuisa 1 procentiisa missaat. Naleqqiusinikkut Danmarkimi taama amerlatigisunik ilaasortaqartuuppat Blå Kors Danmark 60.000-inik ilaasortaqarsimassangaluarpoq – 2500-inik ilaasortaqarpoq.
Iminngernaveersaartut kattuffiat
Blå Kors Kalaallit Nunaat iminngernaveersaartut kattuffigaat – inunnik ikiuisartut peqatigiinnermik imigassartorfiunngitsumik neqerooruteqartartoq. Blå Kors Danmark imigassartornaveersaartut kattuffigisimavaat, 2001-mili taamaakkunnaarluni. Maanna Blå Kors Danmark tassaalerpoq upperisaq najoqqutaralugu inoqatinik inooqatigiinnikkut ikiuinnittarfik.
Kattorsaanissamut neqeroorutit
Blå Kors Danmark katsorsarneqarnissamut arlalinnik neqerooruteqarpoq – Blå Kors Kalaallit Nunaat namminerisaminik katsorsaanissamut neqerooruteqanngilaq, kisiannili sammineqartartut assigiinngitsut imigassartorfiunngitsut illumini ingerlassinnaasarlugit.
